പൂഞ്ഞാര് : സെന്റ് ആന്റണീസ് ഹയര് സെക്കന്ഡറി സ്കൂളിലെ അന്റോണിയന് ജലശ്രീ ക്ലബ്ബിന്റെ ' ഉറവകള്ക്കായ് ' എന്ന പ്രോജക്ടിന്റെ ഭാഗമായി മീനച്ചിലാറിന്റെ തീരത്തുവച്ച് ജലാശയ സംരക്ഷണ ചര്ച്ച നടത്തി. മീനച്ചില് നദീസംരക്ഷണ സമിതി ജനറല് സെക്രട്ടറി ശ്രീ. എബി ഇമ്മാനുവേല് പൂണ്ടിക്കുളം നേതൃത്വം നല്കി. നദികള് നേരിട്ടുകൊണ്ടിരിക്കുന്ന മാലിന്യപ്രശ്നങ്ങള് ഉള്പ്പെടെയുള്ള 'ദുരിതങ്ങള്' കുട്ടികള് കണ്ടുമനസ്സിലാക്കി. പ്രോജക്ടിന്റെ ആദ്യഘട്ടമായി നടപ്പിലാക്കുവാന് ഉദ്ദേശിക്കുന്ന, ജലസംരക്ഷണത്തിനായുള്ള ഏഴിന കര്മ്മപരിപാടികളും യോഗത്തില് ചര്ച്ചചെയ്തു.
അന്റോണിയന് ക്ലബ്ബ് കോ-ഓര്ഡിനേറ്റര് ശ്രീ. ടോണി തോമസ് പുതിയാപറമ്പില്, ശ്രീമതി. റോസലിന് ജോസഫ്, ശ്രീ. ജെസ്റ്റിന് ജോര്ജ്ജ്, ശ്രീ. ജോബിന് കുരുവിള, ശ്രീമതി. ബിന്ദു ജോണ്, മിസ്. അന്സു ജോസഫ് എന്നിവര് പരിപാടികള്ക്ക് നേതൃത്വം നല്കി.
